AZƏRBAYCANDA SIĞORTA BAZARI VƏ ONUN TƏNZİMLƏNMƏSİNDƏ VERGİ SİSTEMİNİN ROLU

Məqalə Azərbaycanda sığorta bazarının durumunun təhlili, inkişaf meylinin prioritet
tərəflərinin üzə çıxarılması, mövcud problemlərin araşdırılması, vergi “alətlərinin” bu proseslərə təsiri və perspektiv inkişafda rolunun dəyərləndirilməsi məsələlərinə baxılır. 2000-2011-ci
illər üçün Azərbaycanın sığorta bazarında mütləq dəyişmə və artım tempi göstəriciləri müəyyən edilmış, inkişaf yolunu izləməyə imkan verən qrafiklər təqdim olunmuş, sığorta bazarında
perspektiv inkişaf üçün əhəmiyyətli ola biləcək nəticələr əldə edilmişdir. Araşdırmalar Dövlət
Statistika Komitəsinin rəsmi mənbələrinin (25.10.2013 tarixinə) Azərbaycanda sığorta
fəaliyyəti üzrə 2011-ci ilə qədər təqdim etdiyi məlumatlar əsasında aparılmışdır.
Burada həmçinin sığorta bazarının formalaşmasının beynəlxalq təcrübələrı araşdırılır,
vergi sisteminin bu sahənin inkişafındakı rolu əsaslandırılır, Azərbaycanda sığorta sisteminin
inkişafına müsbət təsir edə biləcək tövsiyyələr verilir. Təqdim olunan tövsiyələr və araşdırmaların nəticələri Azərbaycanda sığorta bazarının inkişaf strategiyasının formalaşmasında
əhəmiyyətli ola bilər.