İnşa yazılarının təşkili və xüsusiyyətləri

Məqalədə orta məktəblərdə inşa yazı işlərinin əhəmiyyətindən, onların təşkili və
xüsusiyyətlərindən bəhs edilmişdir. İnşa yazıları şagirdlərin yazılı və şifahi nitq
bacarıqlarını inkişaf etdirən səmərəli yazı növlərindən biridir. Mövzusuna görə bir
neçə növə bölünür: rəy-inşalar, peyzaj, yaxud portretlərə həsr edilmiş inşalar və s.
Məqalədə həmçinin inşa yazı növünə verilən tələblər də təqdim edilir. Belə ki, bu
yazıları esse, ifadə və imla yazı növləri ilə həm birləşdirən, həm də ayıran cəhətlər
mövcuddur. Tədqiqat işində yazıların ortaq və fərqli cəhətlərinə aydınlıq
gətirilmişdir. Araşdırmanın yazılmasında təsviri, müşahidə və müqayisəli
metodlardan istifadə edilmişdir.